Rydym yn falch i’ch gwahodd i lansiad ein hadroddiad Gwaith, Iechyd a Sgiliau.
Mae cymorth cyflogaeth yng Nghymru yn newid, gyda Llywodraeth Lafur newydd y Deyrnas Unedig wedi ymrwymo i ddatganoli pob rhaglen cymorth cyflogaeth heblaw am y Ganolfan Byd Gwaith. Mae hwn yn gyfle allweddol i Lywodraeth Cymru ddylunio a chyflenwi cymorth cyflogaeth sydd wedi ei deilwra i anghenion cymunedau ar draws y wlad.
Bu Dysgu a Gwaith, gyda chefnogaeth Serco, yn cynnal ymchwil gyda ffocws ar hybu cyflogaeth a chau’r bylchau a wynebir gan fenywod, pobl o grwpiau lleiafrif ethnig, pobl anabl a’r rhai gyda chyflyrau iechyd hirdymor.
Bydd yr adroddiad terfynol yn cyflwyno opsiynau ar sut y gall Cymru fanteisio i’r eithaf ar gyfle datganoli, gyda chamau gweithredu ymarferol ar gyfer llywodraeth, darparwyr cymorth cyflogaeth a chyflogwyr.
Bydd y digwyddiad yn dod ynghyd â gwneuthurwyr polisi a rhanddeiliaid allweddol a gyfrannodd at y cynllun. Bydd yn llwyfan i alw am y newidiadau a gynigir ac ysgogi cefnogaeth ar gyfer marchnad lafur fwy cynhwysol yng Nghymru, a byddem yn hynod falch pe medrech ymuno â ni.
I gael mwy o wybodaeth, darllenwch ein blog diweddar sy’n rhoi sylw i rai o’r canfyddiadau sy’n dod i’r amlwg – Cyflenwi marchnad lafur fwy cynhwysol yng Nghymru – Learning and Work Institute.
Gallwch gofrestru ar gyfer y digwyddiad hwn drwy glicio ar y botwm archebu isod. Mae nifer y lleoedd yn gyfyngedig, felly archebwch yn gynnar i sicrhau eich lle.