Gwobrau Ysbrydoli! Tiwtoriaid

Caiff y gwobrau eu trefnu gan y Sefydliad Dysgu a Gwaith mewn partneriaeth â Llywodraeth Cymru ac Agored Cymru a maent yn dathlu tiwtoriaid a mentoriaid rhagorol sy’n gwneud gwahaniaeth parhaus i oedolion sy’n ddysgwyr ledled Cymru drwy eu helpu i ennill hyder, goresgyn rhwystrau a chyflawni eu nodau personol a phroffesiynol drwy ddysgu gydol oes.

Newydd ar gyfer 2027: Gwobr Dewis Dysgwyr

Yn ychwanegiad newydd I’r Gwobrau Ysbrydoli! Tiwtoriaid, mae’r Wobr Dewis Dysgwyr yn gwahodd oedolion sy’n ddysgwyr i enwebu tiwtor neu fentor a wnaeth wahaniaeth ystyrlon I’w taith ddysgu. Wedi’i chreu i roi llais i ddysgwyr, mae’r wobr yn cydnabod tiwtoriaid a mentoriaid y mae eu cymorth wedi helpu oedolion i ddatblygu sgiliau newydd, adeiladu hyder a chyflawni eu potensial llawn.

Pwy all gael ei enwebu?

Croesawn enwebiadau ar gyfer tiwtoriaid a mentoriaid sy’n gweithio ar draws addysg oedolion yng Nghymru, yn cynnwys:

• Addysg Uwch
  
• Addysg Bellach
  
• Dysgu Gweithle
  
• Addysg Gymunedol
  
• Cymraeg i Oedolion

Am beth ydyn ni’n edrych?

Rydym yn edrych am diwtoriaid a mentoriaid rhagorol y mae eu hymroddiad, gwybodaeth a sgiliau addysgu yn helpu oedolion i ffynnu drwy ddysgu.

Dylai enwebiadau ddangos llwyddiant  yn o leiaf ddau o’r meysydd canlynol:

• Cefnogi dysgwyr i oresgyn rhwystrau ac adeiladu hyder.

• Ysbrydoli dysgwyr i symud ymlaen i ddysgu pellach, gwirfoddoli neu gyflogaeth.

• Creu dulliau blaengar o addysgu, mentora neu gymorth i ddysgwyr.

• Gwella mynediad i gyfleoedd dysgu ac ehangu cyfranogiad.

• Datblygu rhaglenni dysgu, cwricwla, adnoddau neu ddeunyddiau addysgu.

• Datblygu partneriaethau neu lwybrau o fudd i ddysgwyr.

• Mynd yr ail filltir a thu hwnt i gefnogi oedolion sy’n ddysgwyr i gyflawni eu nod.
  

Sut i enwebu

Ar ôl ei llenwi, anfonwch eich ffurflen enwebu a gwybodaeth gefnogi i [email protected]

Dyddiad cau: Dydd Gwener 15 Ionawr 2027

Cefnogir Gwobrau Ysbrydoli! Tiwtoriaid gan Lywodraeth Cymru ac Agored Cymru.