Mae dysgu gydol oes yn newid bywydau. Ysbrydolwch ni a rhannu eich stori.

Mae Gwobrau blynyddol Ysbrydoli! Addysg Oedolion yn dathlu llwyddiant unigolion, teuluoedd, prosiectau cymunedol a sefydliadau eithriadol a ddangosodd angerdd, ymroddiad ac egni ardderchog i’w gwella eu hunain, eu cymuned neu eu gweithle drwy ddysgu.

Mae’r gwobrau yn rhoi sylw i effaith dysgu gydol oes yng Nghymru ac mae’n gyfle i arddangos gwerth buddsoddi mewn cyfleoedd sy’n newid bywydau. Ysbrydolwch ni drwy wneud enwebiad; gwahoddwn enwebiadau ar ran unigolion, prosiectau cymunedol a sefydliadau y bydd eu llwyddiannau yn ysbrydoli eraill i ddychwelyd i ddysgu neu fynd ati i ddysgu – pobl sydd wedi gwella eu bywydau eu hunain a/neu fywydau pobl eraill ac wedi cael profiad cadarnhaol ac sydd wedi newid bywyd o addysg oedolion.

Cynhelir y seremoni wobrwyo fel rhan o ymgyrch flynyddol yr Wythnos Addysg Oedolion.

Rhaid cyflwyno enwebiadau erbyn y dyddiad cau newydd: dydd Gwener 3 Mai 2024

Categorïau Gwobr 2024:

• Sgiliau Gwaith
• Oedolyn Ifanc
• Newid Bywyd a Chynnydd
• Heneiddio’n Dda
• Dechrau Arni – dysgu Cymraeg
• Gorffennol Gwahanol: Rhannu Dyfodol
• Sgiliau Hanfodol Bywyd
• Gwobr Hywel Francis am Effaith Gymunedol
• Gwneuthurwyr Newid Gweithle

Yn ogystal â’r categorïau gwobr arferol, rydym yn cyflwyno Gwobr Llwyddiant Oes i gydnabod unigolion a gafodd effaith sylweddol a pharhaus ar ddysgu gydol oes yng Nghymru. Os ydych yn adnabod rhywun sy’n haeddu’r anrhydedd, cysylltwch â ni i’w henwebu.

Meini Prawf:

• Mae cynigion yn rhad ac am ddim ac ar agor i unigolion a sefydliadau sy’n byw a gweithio yng Nghymru
• Gall dysgu fod ag achrediad neu heb achrediad a chael ei gynnal mewn unrhyw leoliad, o weithle i ystafell ddosbarth, yn y cartref neu yn y gymuned
• Gall unrhyw un 16 oed neu drosodd enwebu/cael eu henwebu am Wobr Ysbrydoli!, gweler y canllawiau ar bob categori.
• Mae Gwobrau Ysbrydoli! yn codi proffil cyfleoedd ar gyfer dysgu gydol oes. Os caiff eich enwebiad ei ddewis fel enillydd, byddwn eisiau rhannu stori eich enwebai yn y wasg ac ar y cyfryngau.
• Mae Dysgu a Gwaith yn ymroddedig i gefnogi cydraddoldeb ac amrywiaeth ac i wella mynediad i addysg ar gyfer pob grŵp. Rydym yn croesawu enwebiadau o bob cefndir a gyda phob math gwahanol o brofiadau bywyd a galluoedd.
• Rhaid i geisiadau ar gyfer y categorïau unigol gael eu henwebu gan berson arall – gallai hyn fod yn gyfaill, mentor, cydweithiwr, aelod o’r teulu neu gyflogwr y mae’r unigolyn a enwebir yn eu hadnabod yn dda.
• Dylai cynigion ar gyfer y prosiect/sefydliad gael ei ysgrifennu gan dîm neu arweinydd prosiect a’i gymeradwyo gan uwch reolwr/canolwr sy’n adnabod y ddarpariaeth yn dda. Rydym hefyd yn croesawu datganiadau gan ddysgwyr neu weithwyr sy’n ymwneud â’r prosiect/sefydliad i gefnogi’r enwebiad.
• Rhaid llenwi datganiadau enwebai ac enwebwr.
• Rhaid i enwebedigion ac enwebwyr gytuno a llofnodi’r datganiad yn ein ffurflen enwebu.
• Gallwch gyflwyno eich datganiadau enwebu drwy bwt fideo byr o ddim mwy na 5 munud.