Bu Elisha yn eiriolydd cadarn dros ei chymuned ers pan oedd yn 12 oed. Gan ddechrau fel cynrychiolydd iau yng Nghanolfan Galw Heibio ‘Center’ to ‘Centre’, mae bellach yn cyd-redeg y Ganolfan yng nghanol Abertawe, ardal gyda heriau economaidd hysbys.

Yn angerddol dros ddangos i bawb y posibiliadau i gael mynediad i ddysgu a sicrhau cynnydd, defnyddiodd ei
sgiliau a’i gwybodaeth a ddatblygwyd o’i gwaith parhaus yn y Ganolfan i gefnogi ei swydd o fewn yr adran Ehangu Mynediad/Allgymorth ym Mhrifysgol Cymru Y Drindod Dewi Sant. Gan weithio ar draws ei rhwydwaith, mae’n cysylltu gyda chyrff yn y trydydd sector a darparwyr addysg i hyrwyddo cyfleoedd ar gyfer unigolion a gaiff eu tangynrychioli.

Dywedodd Donna Williams, Uwch Swyddog Ehangu Mynediad y Brifysgol, “Mae Elisha yn creu llwybrau i oedolion yn Abertawe ffynnu fel dysgwyr, mae wedi meithrin partneriaethau gyda chyrff fel ROOTS, Pobl, Cyngor Abertawe a cholegau lleol. Mae gweithio gydag academyddion, gwasanaethau cymorth myfyrwyr a mudiadau lleol yn sicrhau fod cefnogaeth yn parhau yn hir ar ôl i unigolion gymryd eu camau cyntaf, ac mae’n parhau i eirioli ar ran a chefnogi myfyrwyr yr holl ffordd i’r llinell derfyn o ymrestru yn y brifysgol pa bynnag
rwystrau sy’n eu hwynebu.”

Mae gan Elisha radd mewn celfyddyd gain o Brifysgol Cymru Y Drindod Dewi Sant, a daw â chreadigrwydd
ac arloesedd i’w sesiynau cymunedol, yn cynnwys gweithdai, cyrsiau blasu a dyddiau profi celf a llesiant. Mae cydweithio gyda Crisis Skylight wedi helpu aelodau oedd yn ddigartref i gael mynediad i gyfleusterau, cyngor
a gweithdai. Ymrestrodd rhai yn y brifysgol neu gymryd rhan mewn cyrsiau min nos. Dywedodd, “Mae cyswllt
â’r gymuned yn rhan ganolog o fy mywyd. Roeddwn yn arfer osgoi unrhyw sgwrs oedd yn golygu y byddai pobl yn gwybod i mi gael fy magu ar stad gyngor, ond mae fy mhrofiad wedi rhoi diben ac angerdd i godi llais a chau’r
bylchau.”

Dywedodd un o’i dysgwyr: “Bu Elisha yn gymaint o olau yn fy mywyd ers i mi gwrdd â hi yn y ganolfan. Roeddwn
yn ynysig iawn gartref gyda fy mhlant bach heb unrhyw deulu na ffrindiau yn agos. Mae Elisha wedi fy annog i
fynychu’r sesiynau crefft a thrin arian. Rhoddodd hyn hyder i fi a fy ngalluogi i wneud ffrindiau yn y gymuned leol a rhoi gofod diogel i mi. Rwy’n awr yn gwirfoddoli ac wedi cynnal sesiynau fy hun. Wnes i erioed feddwl y
byddai hynny’n bosibl.”

Mae ei gallu i deilwra ei dulliau at anghenion y dysgwyr wedi ei gwneud yn ffigur uchel ei pharch yn y gymuned.
Dywedodd, “Rwy’n credu fod y cyswllt mwyaf grymus yn digwydd pan gaiff ei arwain gan y sawl sy’n cymryd rhan am fod hyn yn galluogi unigolion i deimlo y caiff eu llais ei glywed a’i werthfawrogi. Cyflawnais fwyaf pan mae eraill wedi fy nghefnogi a fy annog i geisio’r hyn oedd yn ymddangos yn amhosibl, beth bynnag a ddaw.”